У Будславе ўсталявалі ўязны знак з выявай Панны Марыі

Май 7, 2026
Written by KATOLIK.LIFE
Published in Соцыум
Add new comment

На знаку выяўленыя вобразы касцёла і абраза Маці Божай Будслаўскай.

Уязны знак усталявалі ў Будславе. Мядзельская ЖКГ выканала гэтую працу як частку добраўпарадкавання мястэчка, якое маштабна ідзе сёлета, і апублікавала фота на мясцовых рэсурсах.

На ўязным знаку выяўленыя вобразы касцёла і абраза Маці Божай Будслаўскай, які знаходзіцца ў Нацыянальным санктуарыі. Знак усталяваны паблізу храма – з аднаго з бакоў, з якога да касцёла падыходзяць пілігрымы падчас штогадовага фэсту. Сёлета ён пройдзе 3-4 ліпеня.

Тым часам працягваецца збор ахвяраванняў на рамонтна-рэстаўрацыйныя працы ў самім храме. Парафія публікавала рэквізіты для ахвяраванняў, а мы паведамлялі, што агульная сума, якая патрэбная ўжо найбліжэйшым часам (толькі на падрыхтоўчыя працы), – амаль 1,7 млн рублёў, што перавышае суму ўсіх ахвяраванняў, якія былі сабраныя дагэтуль пасля пажару ў касцёле.