Беларусаў запрашаюць у пілігрымкі па краіне і Еўропе - праграма + кошты

Адправіцца ў пілігрымкі і вандроўкі па Беларусі і Еўропе запрашае ZMK-by.net. З 29 снежня па 2 студзеня ў Празе пройдзе Еўрапейскае спатканне моладзі Тэзэ. Фарміруюцца групы па маршрутах Мінск - Кракаў - Будапешт - Прага (кошт - 140 еўра з 1 начлегам і 150 еўра - з 2 начлегамі) і Мядзель - Познань - Прага - Кракаў (кошт - 175 еўра). Тэлефон - 029-9622019.

01.11.2014, субота - вандроўка «Мірскае графства» з краязнаўцам і музыкам Аляксеем Фраловым, цэнтрам і мэтай якой стане старажытнае мястэчка Мір з яго шматлікімі помнікамі архітэктуры і гісторыі розных народаў і рэлігіяў, што жылі ў Міры, знакамітым замкам і прыватным музеем гісторыі мястэчка.  Маршрут (270 км): Мінск - Ішкальдзь - Паланэчка - Малыя Жухавічы - Вялікія Жухавічы - Мір. Кошт - 270 тыс. руб., кампаніям у 4 чалавекі - зніжка. Запіс па тэл. +375255458430, +375291342804 (Валерыя).

26.10.2014, нядзеля - Нашы мястэчкі. Маршрут: Сталовічы - Новая Мыш - Моўчадзь - Дварэц - Дзятлава - Слонім. Кошт - 300 тыс. руб. (арганізаваным групам і навучэнцам - зніжкі). Вядзе падарожжа Антон Астаповіч. У падарожжы чакае знаёмства з гістарычнай планіровачнай структурай беларускіх мястэчкаў, з іх традыцыйнай архітэктурай - жылой, грамадзянскай, культавай. Пілігрымы ўбачаць адзіны ва Усходняй Еўропе касцёл Мальтыйскага ордэну ў Сталовічах, унікальныя інтэр’еры касцёла ў Новай Мышы, якія былі вывезены з нясвіжскага бернардынскага касцёлу, адзін з самых вытанчаных барочных касцёлаў на Беларусі ў Дзятлаве, унікальныя касцёлы і кляштары Слоніма. Запісацца на вандроўку можна па тэлефоне+375 29 1694811.