Нацбанк выпусціў манеты «Касцёл Яна Хрысціцеля»

Снежань 24, 2014
Written by katolik-gomel.by
Published in Царква
Add new comment

На адваротным баку манеты знаходзіцца рэльефны малюнак помніка архітэктуры, касцёла Яна Хрысціцеля ў вёсцы Камаі.

Нацбанк Беларусі 24 снежня 2014 г. выпускае ў абарачэнне дзве памятныя манеты «Касцёл Яна Хрысціцеля» серыі «Помнікі архітэктуры Беларусі». Адна манета - срэбраная, мае намінал 20 рублёў, пробу сплаву - 925, масу - 33,62 г, дыяметр - 38,61 мм. Другая манета - медна-нікелевая, мае намінал 1 рубель, масу - 13,16 г, дыяметр - 32,00 мм.

Манеты маюць форму круга, з пярэдняга і адваротнага бакоў - выступаючы кант па акружнасці. Бакавая паверхня манет з насечкай, паведамляе Нацбанк.

На адваротным баку манеты знаходзіцца рэльефны малюнак помніка архітэктуры, касцёла Яна Хрысціцеля ў вёсцы Камаі Пастаўскага раёна.

Адчаканены манеты прадпрыемствам «Манетны двор Польшчы» у Варшаве накладам 1000 шт. (срэбраныя, якасць - «пруф») і 2000 шт. (медна-нікелевыя, якасць - «пруф-лайк»).

Last modified onСерада, 24 Снежань 2014 22:19

Tagged under