Моладзь праз сацсеткі пачынае кругласутачную малітву за Беларусь

Красавік 11, 2015
Written by katolik-gomel.by
Published in Царква
Add new comment

Марафон складаецца мінімум са 168 чалавек, кожны з якіх на працягу гадзіны моліцца за краіну.

З 12 красавіка, калі католікі адзначаюць нядзелю Божай Міласэрнасці, а праваслаўныя - Вялікдзень, пачынаецца кругласутачная малітва за Беларусь. Такую ініцыятыву стварылі ў сацсетках маладыя хрысціяне розных канфесій.

- Збіраемся разам, каб пачаць няспынную малітву за Беларусь. Кругласутачная малітоўная чарга будзе складацца мінімум са 168 чалавек, кожны з якіх на працягу адной гадзіны раз на тыдзень моліцца за краіну. Далучайцеся, калі ласка, выбірайце сваю гадзіну. «Там, дзе двое ці трое сабраліся ў Імя Маё, там і Я пасярод іх». Беларусь патрабуе нашай малітвы! - заклікаюць ініцыятары.

У адпаведнай групе ў сацсетцы «Фэйсбук» (facebook.com/groups/796171523807725) ужо больш за 320 удзельнікаў. Аналагічная група створана таксама ў сацсетцы «Вконтакте» (vk.com/club89279497), тут да ініцыятывы далучыліся ўжо каля 50 чалавек. Створана онлайн-табліца, дзе распісаны ўжо занятыя гадзіны.

Last modified onСубота, 11 Красавік 2015 17:02

Tagged under

Related items