Кветкі для алтара ў Росіцы садзіў біскуп Алег Буткевіч

Жнівень 10, 2015
Written by katolik-gomel.by
Published in Царква
Add new comment

Белыя і чырвоныя вяргіні ўпрыгожылі галоўны алтар на фэсце.

Падчас св. Імшы ў Росіцы, дзе прайшлі ўрачыстасці ў гонар каталіцкіх айцоў-пакутнікаў, мясцовы святар а. Чэслаў Курэчка МІС распавёў цікавы факт. А менавіта, адным майскім вечарам ён садзіў кветкі вяргіні за касцёлам, як раптам прыехаў біскуп Алег. Прывітаўшыся, пастыр дыяцэзіі прапанаваў святару сваю дапамогу, а а. Чэслаў і згадзіўся. Скончылі працу амаль апоўначы, сіл ужо не было нават на звычайную размову за кубкам гарбаты.

«Вось менавіта гэтыя кветкі, вяргіні белага і чырвонага колеру, як сімвал Цела і Крыві Хрыста, якія заквітнелі і сёння ўпрыгожваюць галоўны алтар на гэтай урачыстасці, адным майскім вечарам садзіў біскуп Алег», — з удзячнасцю прамовіў а. Чэслаў і ў касцёле раздаліся гучныя апладысменты, паведамляе Сatholicnews.by.

Last modified onПанядзелак, 10 Жнівень 2015 12:22

Tagged under