13-гадовая мінчанка, зніклая па дарозе ў касцёл, знойдзена жывой
- Written by katolik-gomel.by
- Published in Царква
- Comments (3)
Аня сама выйшла на сувязь з бацькамі.
Міліцыя, валанцёры атрада «Анёл», а таксама многія маладыя мінскія католікі некалькі дзён шукалі 13-гадовую дзяўчынку, якая знікла па дарозе ў касцёл. Ганна Лашкіна 1 кастрычніка каля 19.15 пайшла з дому на заняткі ў новым каталіцкім храме па вуліцы Лабанка, але там так і не з'явілася. Тэлефон дзяўчынкі быў адключаны.
Курыя Мінска-Магілёўскай архідыяцэзіі Каталіцкай Царквы звярталася з просьбай, каб у нядзелю, 4 кастрычніка, на ўсіх святых Імшах ў касцёлах памаліліся ў інтэнцыі зніклай дзяўчынкі.
4 кастрычніка Ганна самастойна паведаміла пра сваё месцазнаходжанне бацькам. На месца неадкладна выехалі бацькі, супрацоўнікі міліцыі і пашукавікі атрада "Анёл". З дзяўчынкай усё добра. Яна жывая і здаровая. У медыцынскай дапамозе не мае патрэбы. Супрацоўнікі міліцыі высвятляюць прычыны таго, што адбылося. Паводле неафіцыйнай інфармацыі, Ганна проста сыходзіла з дому.
Related items
-
Стала вядомая дата верагоднага закрыцця яшчэ аднаго касцёла ў Мінску
-
Упершыню ў Беларусі (ці ў свеце?) асвяцілі абраз, створаны штучным інтэлектам
-
Стаў вядомы кошт удзелу для католікаў Беларусі ў Сусветных днях моладзі ў Сеуле
-
У Чырвоным касцёле ў Мінску адновяць страчаныя роспісы
-
Каталіцкія парафіі Беларусі наведае прадстаўнік супольнасці Тэзэ
RSS-стужка каментароў гэтага запiсу