Ватыкан можа стаць наступнай мішэнню тэрарыстаў
- Written by katolik-gomel.by
- Published in Царква
- Add new comment
Па гэтай прычыне ўзмоцнены меры бяспекі ў Апостальскай Сталіцы.
“Ватыкан праз сваё рэлігійнае значэнне можа стаць мішэнню тэрарыстаў”, - лічыць кардынал Пьетра Паралін. Ён падзяліўся сваім меркаваннем у інтэрв’ю французскай каталіцкай газеце “La Croix”. Дзяржсакратар Яго Святасці Папы сцвердзіў, што менавіта па гэтай прычыне былі ўзмоцнены меры бяспекі ў Ватыкане.
Падтрымліваючы Францішка, іерарх заклікаў, не дазволіць страху паралізаваць сябе. Ён падкрэсліў, што настаў час, каб пачаць “наступ міласэрнасці”, каб “пагасіць зло тэрарызму”. На яго думку, да гэтага павінны далучыцца ўсе рэлігійныя і палітычныя лідэры.
Кардынал Дзяржсакратар, тлумачачы словы Папы, які некалькі дзён таму казаў аб “трэцяй сусветнай вайне ў частках”, адзначыў: “Пантыфік мае на ўвазе неабвешчаную і асіметрычную вайну, якая вядзецца па-за полем бою, у выніку якой гінуць нявінныя людзі; аб сусветнай вайне, у якой ніхто не ведае, калі наступіць чарговы напад”.
Кардынал заклікаў да вызвалення ўсіх “духоўных рэсурсаў”, каб даць “станоўчы адказ на зло”.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні