Хрысціяне ў сацсетках: католікі ў «ВК» сталі часцей заяўляць аб сваёй веры
- Written by katolik-gomel.by
- Published in Царква
- Add new comment
Больш за ўсё католікаў у «ВК» з Украіны, на другім месцы - Расія, на трэцім - Беларусь.
Дадзеныя па мэтавай аўдыторыі католікаў са статыстыкі рэкламнага таргетынгу сацсеткі «Вконтакте» сабраў icatholic.ru. З усіх карыстальнікаў сацсеткі сваю прыналежнасць да Каталіцкай царквы ў графе «Светапогляд» паказалі 652 тыс. 165 чалавек. З іх больш за ўсё з Украіны - 228 тыс. 536 чалавек.
Сярод расійскіх карыстальнікаў «ВК», якія ўказалі сваё веравызнанне, - 174 тыс. 914 чалавек, беларускіх - 106 тыс. 671 чалавек, з жыхароў ЗША - 23 тыс. 689 чалавек, Казахстана - 5 тыс. 728 чалавек. Што тычыцца гарадоў Расіі, то сярод маскоўскіх карыстальнікаў «ВК» лічыцца больш за 40 тыс. католікаў, піцерскіх - звыш 21 тыс., омскіх - больш за 3 тыс.
У сталіцах Украіны і Беларусі прыкладна аднолькавая колькасць католікаў, якія ўказалі пра гэта ў сацсетцы - па 25 тыс. чалавек, а, напрыклад, у Гомелі - амаль 1,5 тыс., хоць актыўных парафіян у мясцовым касцёле - каля 500 чалавек.
Долі мужчын і жанчын сярод католікаў у «ВК» прыкладна роўныя, а па ўзроставых групах ёсць істотная разбежка. Католікаў да 18 гадоў у сацсетцы 122 тыс. 232 чалавека, ад 18 да 25 і ад 25 да 45 год - амаль пароўну, прыкладна па 260 тыс. чалавек. І узроставая група ад 45 гадоў складае 43 тыс. 989 чалавек.
Для параўнання - усе, хто выказаў стаўленне да іншых рэлігій і канфесій: праваслаўе - 14 млн. 374 тыс. 978 чалавек, іслам - 2 млн. 705 тыс. 750 чалавек, будызм - 607 тыс. 273 чалавека, юдаізм - 171 тыс. 752 чалавека, пратэстантызм - 225 тыс. 836 чалавек. Шмат і тых, хто паказаў прыналежнасць да хрысціянства без канкрэтызацыі - 787 тыс. 689 чалавек - верагодна, сярод іх таксама нямала католікаў.
Адзначым, што большая частка карыстальнікаў, мяркуючы па агульнай статыстыцы, і зусім нічога не паказала ў графе «Светапогляд» альбо неяк інакш выказалі прыналежнасць да канфесіі.
Дарэчы, колькасць тых католікаў, якія заявілі аб сваім веравызнанні ў «ВК», прыкметна вырасла менш чым за год. У лютым 2014 году такіх карыстальнікаў было больш чым на 200 тысяч менш - 436 тыс. 446 чалавек.
Related items
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Манах з Гудагая зрабіў арэлі для парафіі ў Мінску