Мінскія католікі далучаюцца да пратэстаў у абарону Курапатаў

Люты 28, 2017
Written by katolik-gomel.by
Published in Царква
Add new comment

Будаўніцтва на месцы масавых пахаванняў могуць аднавіць.

3 сакавіка ў Мінску запланаваны агульнагарадскі мітынг у абарону ўрочышча Курапаты. Там, на месцы масавых пахаванняў рэпрэсаваных, якія былі расстраляныя ў канцы 1930 - пачатку 1940-х гадоў, вядзецца будаўніцтва бізнес-цэнтра. Пасля акцый пратэсту актывістаў і малітвы за Беларусь, якую правялі хрысціянскія вернікі, працы былі спыненыя. Аднак стала вядома, што будаўніцтва плануюць аднавіць, таму актывісты і вернікі працягваюць знаходзіцца ў намётавым лагеры ля будаўнічай пляцоўкі.

Далучыцца да акцыі пратэсту ў абарону Курапатаў заклікаюць католікі. «Калі нас прыйдзе хаця б 10-15 чалавек, мы маглі б разам памаліцца Ружанцам або іншым чынам», - піша адміністратар групы ў Фэйсбуку.

Раней у абарону Курапатаў выступіў арцыпастыр Каталіцкай царквы ў Беларусі мітрапаліт Тадэвуш Кандрусевіч.

Пачатак акцыі 3 сакавіка, у пятніцу, запланаваны на 18 гадзін.

Tagged under