Католікі ЗША ў Вялікі пост выбіраюць рыбны сэндвіч у McDonald's

У Вялікі пост адна з самых папулярных страў у католікаў ЗША - Філе-о-Фіш у Макдональдсе. З 1962 году кожны год гэтая сетка рэстаранаў назірае ўсплёск продажаў сваіх Filet-O-Fish сэндвічаў падчас Вялікага посту, калі многія католікі адмаўляюцца ад мяса па пятніцах, піша USA TODAY.

У 1960-я гады ў McDonald's пачалі заўважаць, што губляюць сваіх кліентаў-католікаў па пятніцах. І тады ў меню з'явіўся Filet-O-Fish, стаўшы асноўнай стравай для многіх кліентаў на працягу апошніх 55 гадоў.

Выданне прыводзіць твіты амерыканцаў на гэтую тэму. Некаторыя пішуць, што ў іх парафіях Вялікі пост жартам называюць сезонам «Філе-о-Фіш».

«Папялец на гэтым тыдні. Бывай, сацыяльныя сеткі, і прывітанне, Філе-о-Фіш па пятніцах» - піша Аўсцін Куік са штата Каліфорнія.

Як паведамляецца на сайце McDonald's, сэндвіч Філе-о-Фіш складаецца з філе смажанай рыбы сямейства трасковых, якая падаецца на пышнай прапаранай булачцы з палоўкай кавалачка сыру «чэдэр», запраўленай спецыяльным соусам «Тар-Тар», і каштуе каля 2 даляраў.

Адзначым, што значэнне посту заключаецца таксама ў тым, каб выдаткоўваць для цялесных задавальненняў, у тым ліку на ежу, менш грошай. А зэканомленыя такім чынам сродкі Царква вучыць аддаваць бедным ў якасці міласціны - гэта таксама абавязковы элемент Вялікага посту, як і малітва. Чытайце падрабязней: Поснае меню ў рэстаранах: дапамога або крывадушнасць?