Усім добрага лета! А мы - у АДПАЧЫНАК :)

Пэўны час сайт не будзе абнаўляцца, бо нашай невялікай камандзе таксама неабходны адпачынак, каб больш часу прысвяціць сваім сем'ям і стасункам з Богам. Нагадаем, Katolik.life працуе выключна на валанцёрскай аснове.

Хай усіх наведвальнікаў нашага сайта Бог дабраславіць на гэтыя апошнія дні лета! Жадаем, каб ваш адпачынак быў цікавым, радасным і насычаным! Падчас летніх паездак не забывайце сілкавацца Словам Божым і наведваць святую Імшу хоць бы раз на тыдзень. Калі ў тых месцах, дзе вы будзеце адпачываць, не знойдзеце каталіцкай царквы, святары раяць: слухаць Слова і ўдзельнічаць у Літургіях можна і ў праваслаўным храме.

Кагосьці гэтым летам будуць чакаць непрыемныя сюрпрызы. Магчыма, хвароба сарве запланаваны адпачынак, хтосьці не паступіць у ліцэй або універсітэт. Не адчайвайцеся!

Даверцеся Богу, бо Ён - адзіны, хто ведае нашу будучыню. Ён вельмі любіць кожнага з нас і вядзе сваімі шляхамі. Усе кепскае Гасподзь можа перавярнуць у добрае. Рабіце ўсё, што залежыць ад вас, давяраючы вынік Яму. Калі мы, добрасумленна стараючыся, не атрымаем тое, чаго чакалі, будзем упэўненыя: Гасподзь падрыхтаваў для нас нешта яшчэ лепшае!