Да заканчэння збору сродкаў на аднаўленне касцёла ў Мсціславе засталося два месяцы
- Written by Katolik.life
- Published in Царква
- Comments (1)
За месяц на ініцыятыву не ахвяравалі ніводнага рубля.
Менш 60 дзён засталося да заканчэння збору сродкаў на платформе Talaka.by на аднаўленне каталіцкага храма ў Мсціславе. А з пачатку дзеяння праекта, з 1 жніўня, яшчэ не ахвяравалі ніводнага рубля. Грошы спрабуюць сабраць на выраб праектнай дакументацыі, для гэтага неабходна каля 100 тыс. рублёў. Касцёл у аварыйным стане, галоўная праблема - адсутнасць праектнай дакументацыі, калі яе зрабіць, можна звяртацца ў Фонд аднаўлення помнікаў архітэктуры, тлумачаць ініцыятары збору сродкаў:
- У дзяржавы грошай на рэстаўрацыю няма. У многіх месцах касцёла няма даху, і надвор'е разбурае аб'ект. У 2017 годзе ўнутры касцёла абрынулася цэнтральная калона. Калі яе не аднавіць, то абрынецца ўвесь будынак. Але для таго, каб пачаць выконваць працу, трэба зрабіць дакументы на аб'ект.
Акрамя праекта на Talaka.by створаны таксама мясцовы дабрачынны фонд «Адраджэнне гісторыка-архітэктурных помнікаў горада Мсціслава» і дабрачынны рахунак р/с BY73 BAPB 31352908100160000000, у РКЦ № 19 у г.Мсціслаў філіяла ААТ "Белаграпрамбанк" Магілёўскае абласное ўпраўленне Код BAPBY27458, УНП 790613221
Гістарычная даведка езуіцкага касцёла ў Мсціславе:
з 1745 па 1842 г. - езуіцкі касцёл
з 1842 па 1925 г. - праваслаўны храм асвечаны ў гонар св. арханела Міхаіла
з 1925 па 1975 г. - Дом культуры і кінатэатр
з 1975 па 1980 г. - на аб'екце праводзілі грамадзянскую абарону: яго адмыслова падпальвалі, а затым тушылі
з 1992 года пачалі рэстаўрацыю касцёла. Фінансаванне ішло з Міністэрства культуры, але ў 1995 годзе фінансаванне спынілася
Media
Related items
- Месяцовае і сонечнае гало назіралі беларусы ў Вялікі тыдзень
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Набірае папулярнасць канал сельскага святара: для пропаведзі ён рамантуе ГАЗ, «прымае пацыентаў»
- Абяцаныя працы не пачаліся. Паўтара гады, як зачынены Чырвоны касцёл у Мінску
- Помнік беларускаму герою Кастусю Каліноўскаму адкрылі ў Вільні
www.talaka.by/projects/2176
RSS-стужка каментароў гэтага запiсу