BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Анёл з гітарай і Пуцін на каленях. Чым здзівіў свет касцёл у Віцебску [фота]

Фрэскі адлюстроўваюць Евангельскія падзеі праз сучасных персанажаў.

«Зоркай інтэрнэту» стаў невялікі касцёл у беларускім Віцебску. У каталіцкім храме святога Антонія Падуанскага журналісты заўважылі незвычайную размалёўку сцен - фрэскі адлюстроўваюць Евангельскія падзеі, аднак праз сучасных персанажаў. У прыватнасці, сярод «каралёў», якія прыйшлі пакланіцца нованароджанаму Дзіцятку Езусу, нехта можа адгадаць Уладзіміра Пуціна і Барака Абаму. Навіна пра гэта разыйшлася па беларускім, расійскім і польскім сайтам.

Пробашч парафіі, вядомы ў Беларусі святар Вячаслаў Барок адзначае, што ў мастацкім афармленні храма «кожны бачыць сваё, а я бачу, як святло перамагае цемру». У гэтым і была ідэя роспісу сцен у зале для набажэнстваў - паказаць барацьбу паміж дабром і злом, святлом і цемрай.

Фрэскі тут нядаўна стварыў мінскі мастак Уладзімір Кандрусевіч. На алтарнай іконе ён намаляваў ўваскрослага Хрыста, ад якога зыходзіць святло і прабівае ўсялякую цемру. Вакол Госпада - людзі ў моднай сучаснай вопратцы, спячыя салдаты, анёл з бас-гітарай...

Таксама на фрэсках - святы Антоній з Дзіцяткам Езусам, міма якіх абыякава праходзяць жыхары горада. Малюнак сімвалізуе тое, што святому няма месца ў Віцебску, і разбураны касцёл святога Антонія чакае аднаўлення на сваім гістарычным месцы.

А на сцэне Аб'яўлення Пана - пакланенне нованароджанаму Сыну Божаму розных слаёў насельніцтва. Тут і простыя людзі, і моцныя гэтага свету. Гэта азначае, што Хрыстос прыйшоў для ўсіх і Ён з'яўляецца адзіным Валадаром свету.

Фота: Аляксей Вронскі.

Каментары   
+1 #2 Андрэй 2017-09-15 22:21
Гэта шэдэўр сучаснасці!
Я ўжо хачу прыехаць у гэты Касцёл да кс Вячаслава! :)
Цытаваць | Паведаміць мадэратару
+1 #1 Людмила 2017-09-14 16:39
Я в этот костёл пришла в 2006 году,со временем окрестила здесь своих деток!Жаль что перевели ксёндза Станислава, сестру Розанну...
Цытаваць | Паведаміць мадэратару
Дадаць каментарый

Ахоўны код
Абнавіць