Мінкульт Беларусі пачаў збор грошай на аднаўленне касцёла ў Мсціславе

Міністэрства культуры адкрыла дабрачынны рахунак на аднаўленне былога каталіцкага храма ў Мсціславе. У Мінкульце занепакоеныя станам унікальнага аб'екта спадчыны - касцёла, які ўваходзіць у склад гісторыка-культурнай каштоўнасці нацыянальнага значэння «Былы калегіюм езуітаў» у Мсціславе. Так міністэрства адрэагавала на тое, што ў канцы снежня 2017 года развалілася частка сцяны касцёла.

Як раней паведамляў Katolik.life, мясцовыя актывісты задоўга да здарэння заяўлялі аб праблеме гарадскім уладам і ў Міністэрства культуры, аднак адказ быў адзін: на рэстаўрацыйныя працы ў бюджэце няма сродкаў.

- Будынак касцёла з'яўляецца ўпрыгожваннем Мсціслава. Аднак на працягу доўгага часу касцёл не выкарыстоўваўся. У цяперашні час будынак знаходзіцца ў нездавальняючым, аварыйным стане. Для прыняцця ў самыя кароткія тэрміны неадкладных мер і правядзення супрацьаварыйных работ на аб'екце, а таксама ў сувязі з адсутнасцю неабходнага аб'ёму фінансавых сродкаў арганізаваны збор ахвяраванняў, - паведамілі 4 студзеня ў Мінкульце.

Там лічаць, што «фінансавы ўдзел у захаванасці гісторыка-культурнай каштоўнасці ўсіх зацікаўленых грамадзян дазволіць забяспечыць устойлівасць канструкцый касцёла на перыяд да распрацоўкі праектнай дакументацыі па рэстаўрацыі касцёла».

Езуіцкі касцёл быў закладзены ў Мсціславе ў 1637 годзе ў стылі віленскага барока. Яго будаўніцтва было завершана да канца стагоддзя. У 1747-1750 гадах касцёл быў рэканструяваны.

Реквизиты благотворительного счета: BY73 BAPB 31352908100160000000, в РКЦ № 19 в г.Мстиславль филиала ОАО «Белагропромбанк – Могилевское областное управление» Код BAPВBY27458, УНП 790613221 (Пожертвование на восстановление бывшего костела в Мстиславле).

Историческая справка иезуитского костела в Мстиславле:

с 1745 по 1842 г. - иезуитский костел

с 1842 по 1925 г. - православный храм освящен в  честь св. Архангела Михаила

с 1925 по 1975 г. - Дом культуры и кинотеатр

с 1975 по 1980 г. - на объекте проводили гражданскую оборону: его специально поджигали, а затем тушили

с 1992 года начали реставрацию костела. Финансирование шло из Министерства культуры, но в 1995 году финансирование прекратилось