Толькі хардкор: святар і законніца запісалі «цяжкі» трэк [слухаць]

У жанры цяжкай рок-музыкі каталіцкі евангелізацыйны праект Step Project выпусцілі трэк «Мой Бог» на беларускай мове. Аўтарамі песні сталі вядомы моладзі каталіцкі святар Аляксандр Канановіч, які цяпер служыць у Мазыры і кіруе евангелізацыйным праектам Step Project, і законніца Вераніка Казлоўская з ордэна кармэлітак ад Дзіцятка Езуса, паведамляюць удзельнікі праекта на сваёй старонцы ў сацсетцы.

Сястра напісала тэкст кампазіцыі. Евангелізацыйны праект Step Project добра вядомы католікам Беларусі, музыкі выступаюць на розных фестывалях, актыўна запісваюць новыя кампазіцыі - не толькі ў жанры «металу».