Вялікдзень пад снегам і лёдам у Іркуцку - суперфоты!

Красавік 2, 2018
Written by Katolik.life
Published in Царква
Add new comment

Сібірскі святар: «Гасподзь, вялікі гумарыст, падараваў сюрпрыз: мы ўвайшлі ў храм як снегавікі!»

У рымска-каталіцкай царкве Унебаўзяцця Найсвяцейшай Панны Марыі ў расійскім Іркуцку Вялікдзень сустракалі пад завеяй. У гэтай сібірскай парафіі служыць святар са Славакіі айцец Роберт Балек, які апублікаваў цудоўныя здымкі начнога Велікоднага шэсця з Найсвяцейшым Сакрамэнтам на сваёй старонцы ў Facebook:

- Гасподзь, вялікі гумарыст, падараваў сюрпрыз: калі мы ў трэці раз абышлі храм, снег з лёдам заляпіў нас так моцна, што мы ўвайшлі ў храм як снегавікі. Ніколі ў жыцці такое не адчуваў. Будзе што ўзгадаць і распавесці іншым пакаленням!

Нагадаем, Уваскрасенне Хрыстова у 2018 годзе католікі сустракалі 1 красавіка, калі таксама адзначаецца Дзень гумару. За 10 гадзін пост святара набраў каля 400 лайкаў.

Дарэчы, у Беларусі ў 2017 годзе многія сустракалі Вялікдзень пад завеяй [фота]