Арган у Магілёве прэзентуюць 15 жніўня з удзелам пасла Ватыкана
- Written by Katolik.life
- Published in Царква
- Add new comment
Біскуп Аляксандр Яшэўскі запрашае на свята ўсіх жадаючых.
Ва ўрачыстасць Унебаўзяцця Найсвяцейшай Панны Марыі ў аднайменным касцёле ў Магілёве прэзентуюць механічны орган, які з гэтага часу будзе гучаць у святыні. Інструмент ужо сабраны і ўсталяваны, цяпер яго наладжваюць.
Пра арган у Магілёве Katolik.life ўжо распавядаў: да гэтага ён знаходзіўся ў храме галандскага Эйндховена. Інструмент выраблены ў гатычным стылі вядомым майстрам Леонам Верс Хуэрэн дэ Хэйт Хусэна ў 1928 годзе.
Урачыстасць у катэдральным касцёле Магілёва пачнецца 15 жніўня ў 18.30. Біскуп Аляксандр Яшэўскі стварыў адпаведную падзею ў Facebook і распавёў пра яе праграму: -
Адпустовую ўрачыстасць і абрад асвячэння ўзначаліць прадстаўнік Святога Пасаду ў Рэспубліцы Беларусь, Апостальскі Нунцый Арцыбіскуп Габар Пінтэр. Пасля Літургіі адбудзецца інаўгурацыйны канцэрт арганнай музыкі ў выкананні дацэнта кафедры Беларускай дзяржаўнай акадэміі музыкі спадара Уладзіміра Неўдаха, галоўнага арганіста мінскага архікатэдральнага касцёла Найсвяцейшага Імя Дзевы Марыі.
Related items
- Біскуп у Харкаве: калі выеду, то апошнім эшалонам
- А калі закахаўся? Арцыбіскуп Станеўскі адказаў дзецям і праспяваў на ТБ-шоу
- Без святла, вады і храма жыве ў Мінску Капелан Папы Рымскага
- Інфаркт і паспяховую аперацыю перанёс арцыбіскуп Тадэвуш Кандрусевіч
- «Умацаванне стабільнасці і адзінства». Дзяржорганы назвалі свае задачы ў рабоце з Царквой