«Пустое жыццё... Дзякуй, сястра» У байнэце абмяркоўваюць ВІДЭА аднаго дня каталіцкай манашкі
- Written by Katolik.life
- Published in Царква
- Comments (2)
Журналістаў цікавіла, што ўваходзіць у абавязкі сясцёр, і ці можа манашка закахацца
Самы папулярны беларускі інтэрнэт-партал TUT.BY зняў невялікі відэаролік «Блог каталіцкай манашкі | Адзін дзень у кляштары». Гераіняй яго стала актыўная ў сацсетках сястра Таццяна Гмыза, якая служыць у Полацку ў ордэне эўхарыстак (SJE). У сястры Таццяны сотні падпісчыкаў у інсце, вк і фэйсбуку, і гэта - частка яе служэння. У новым роліку яна змагла коратка расказаць пра сутнасць кансэкраванага жыцця, якое цалкам вядзе ўжо чатыры гады - у чыстасці, убостве і паслухмянасці.
- Я канкрэтна стала чуць Голас Бога ў сваім сэрцы, і потым праз розныя моманты Ён паказваў, што гэта сапраўды мой шлях, - кажа манашка. Журналісты правялі з ёй цэлы дзень - іх цікавіла жыццё ў каталіцкім кляштары, абавязках сясцёр і тое, ці можа манашка закахацца.
Ролік набраў ужо дзясяткі тысяч праглядаў і сотні водгукаў. Многія каментатары так і не зразумелі сястру Таццяну - людзі лічаць, што яна праводзіць жыццё марна і нічога не дасягне...
Аднак ёсць, напрыклад, і такія меркаванні:
- Вялікі дзякуй за служэнне манашак, за іх малітвы, ахвяру свайго жыцця за ўсіх астатніх... У каментарах шмат негатыву ў асноўным з-за матэрыялізму ў розуме, ніколі гэтаму свету не зразумець Божых задумаў.
Media
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
Фейсбук: www.facebook.com/s.tatjanasje
ВК: vk.com/id73428925
Инста: www.instagram.com/sestra_tg/
RSS-стужка каментароў гэтага запiсу