Відэа: дзясяткі дзяцей з Беларусі павіншавалі Папу Францішка з Днём нараджэння
- Written by Katolik.life
- Published in Царква
- Add new comment
У шчучынскай парафіі ўжо каля 25 гадоў моляцца аб прыездзе Пантыфіка ў Беларусь
Вернікі рыма-каталіцкай парафіі святой Тэрэзы Авільскай у беларускім Шчучыне павіншавалі Папу Рымскага Францішка з Днём нараджэння і запісалі кароткі, але яскравы відэаролік. Цікава, што ўжо на працягу амаль 25 гадоў у гэтай парафіі кожны 13-ы дзень месяца - ва ўспамін Маці Божай Фацімскай - моляцца аб прыездзе Папы ў Беларусь, распавёў Katolik.life Віталій Слука SP, айцец піяр, які служыць для моладзі ў Шчучыне.
Нагадаем, 17 снежня Францішку споўнілася 82 гады. У гэты дзень у Ватыкане не было запланавана ніякіх спецыяльных мерапрыемстваў. Раніцай Папа служыў Эўхарыстыю ў капліцы Дома св. Марты, а затым прыняў на аўдыенцыі некалькі грамадскіх дзеячаў, праваабаронцаў і біскупаў. А напярэдадні Францішка павіншавалі з Днём нараджэння дзеці з дыспансэра Святой Марфы. Гэтая Ватыканская структура аказвае педыятрычную дапамогу маленькім пацыентам з усяго свету, незалежна ад этнічнай і рэлігійнай прыналежнасці іх бацькоў. Госці павіншавалі біскупа Рыма з 82-м днём нараджэння і Божым Нараджэннем і падарылі яму вялікі торт.
Media
Related items
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася