Click to pray: з Папам Францішкам моляцца ўжо 1,5 тыс. беларусаў

Студзень 21, 2019
Written by Katolik.life
Published in Царква
Add new comment

Пантыфік прапанаваў моладзі спампаваць аплет, каб маліцца разам з ім у інтэнцыі міру

Францішак стварыў профіль у малітоўнай сацыяльнай сетцы “Click to pray”. Падчас малітвы “Анёл Панскі” 20 студзеня 2019 г. ён заклікаў вернікаў далучыцца да гэтай ініцыятывы.

“Інтэрнэт і сацыяльныя сеткі – гэта рэсурс нашага часу; нагода, каб быць у кантакце з іншымі, каб дзяліцца каштоўнасцямі і задумамі, каб выражаць жаданне стварэння супольнасці. Сеціва можа дапамагчы нам таксама маліцца разам”, - цытуе Пантыфіка vaticannews.va/be.

У сувязі з гэтым Францішак прадставіў афіцыйную платформу Сусветнай сеткі малітвы Папы пад назвай “Click to pray”. На ёй будуць размяшчацца малітоўныя інтэнцыі і просьбы Святога Айца.

“Запрашаю, галоўным чынам, моладзь спампаваць аплет “Click To Pray”, працягваючы маліцца разам са мной Ружанец у інтэнцыі міру, асабліва падчас Сусветных дзён моладзі ў Панаме”, - заклікаў Пантыфік.

“Click To Pray” даступна як для сістэмы “Android”, так і для “iOS”. Дадатак мае тры галоўныя раздзелы. Першы, які называецца “Маліся з Папам”, утрымлівае штомесячныя малітоўныя інтэнцыі Святога Айца. Другі раздзел – “Маліся штодзённа”, пакліканы стымуляваць да штодзённай малітвы. Трэці – “Маліся ў сеціве”, з’яўляецца прасторай, дзе карыстальнікі аплету могуць размяшчаць свае малітоўныя просьбы, каб маліцца адзін за аднаго.

Паводле дадзеных мапы Click to pray, у ініцыятыве ўдзельнічаюць ужо каля 800 тыс. чалавек, у тым ліку амаль 1,5 тыс. беларусаў і прыкладна столькі ж украінцаў. Адзначым, што ў аплеце зарэгістраваліся звыш 7,6 тыс. расіян - больш, чым у каталіцкай Польшчы, дзе колькасць удзельнікаў малітвы складае прыкладна 5 тыс. чалавек. А самая вялікая колькасць - 206 тыс. чалавек - у Іспаніі.

Last modified onПанядзелак, 21 Студзень 2019 21:02

Tagged under