Сотні кіламетраў пешшу: стартавалі пілігрымкі ў Будслаў [абнаўляецца]

Чэрвень 26, 2019
Written by Katolik.life
Published in Царква
Add new comment

Паломніцтвы заўсёды праходзяць радасна і становяцца для многіх удзельнікаў галоўнай падзеяй лета

27 чэрвеня першыя пешыя пілігрымкі ў Будслаў пачаліся ў Беларусі. Дзясяткі хрысціян-католікаў адправіліся ў 9-дзённы шлях з Баранавічаў і Ліды. Неўзабаве стартуюць пілігрымкі з Віцебска, Мінска, Маладзечна, Смаргоні ды іншых гарадоў і мястэчак у розных кутках краіны.

У цэлым сотні паломнікаў - дзеці, моладзь, сем'і, людзі сярэдняга ўзросту, пенсіянеры - у суправаджэнні святароў, законнікаў і законніц будуць ісці пешшу, каб 5 чэрвеня прыбыць у Будслаў, дзе пройдуць урачыстасці ў гонар абраза Маці Божай Будслаўскай. Пілігрымы нясуць свае просьбы да Мамы, а ў дарозе - моляцца, слухаюць сведчанні, спяваюць і нават танчаць. Паломніцтвы заўсёды праходзяць радасна і становяцца для многіх удзельнікаў галоўнай падзеяй лета.

Як і ў мінулыя гады, Katolik.life вядзе Twitter-трансляцыю з розных пілігрымак, якія накіроўваюцца ў Будслаў.