Пальмавая нядзеля і Вялікдзень у католікаў Беларусі пройдуць пад адкрытым небам
- Written by KATOLIK.LIFE
- Published in Царква
- Add new comment
У Ракаве будуць благаслаўляць вербы нават у аўтамабілях
У сувязі са складанай эпідэміялагічнай сітуацыяй святыя Імшы ў Пальмовую нядзелю (5 красавіка) ў Нацыянальным санктуарыі Маці Божай Будслаўскай адбудуцца на пляцы перад базылікай. Там жа плануецца цэлебрацыя Пасхальнай Вігіліі і святой Імшы ў Велікодную Нядзелю (12 красавіка), паведаміў пробашч кс. Дзмітры Дубовік.
У санктуарыі ёсць вялікі досвед у цэлебрацыі св. Імшы пад адкрытым небам - нагадаем, штогод там ладзіцца фэст, у якім удзельнічаюць тысячы пілігрымаў.
У Ракаве таксама набажэнствы Пальмовай Нядзелі, Пасхальнага Трыдуума і Вялікадня будуць адбывацца на алтары, які рытхуюць пры ўваходзе ў касцёл.
- Маем апаратуру, якая дазваляе чуць на вялікай адлегласці. Такім чынам у Касцёле будзе знаходзіцца меншая колькасць людзей. Благаслаўленне вербачак і Вялікодных страў буду здзяйсняць як у касцёле так і на вуліцы, і нават у аўтамабілях. Вас, дарагія, прашу захоўваць адпаведную дыстанцыю адзін да аднаго, пажадана выкарыстоўванне гігіенічных масак. Перад удзяленнем св. Камуніі для кожнага святар будзе праціраць руку антысептыкам. І будуць прынятыя іншыя меры бяспекі, - паведаміў пробашч.
Раней пра падобныя меры ў сувязі з распаўсюджваннем каронавірусу і заклікам арцыбіскупа Тадэвуша Кандрусевіча паведамілі некаторыя парафіі ў Мінску да іншых гарадах >
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Помнік беларускаму герою Кастусю Каліноўскаму адкрылі ў Вільні