Мітрапаліт Кандрусевіч - медыкам: «Што мы павінны рабіць?»
- Written by KATOLIK.LIFE
- Published in Царква
- Add new comment
Іерарх спадзяецца на сустрэчу з «кімсьці адказным, каб былі канкрэтныя адказы»
Старшыня Канферэнцыі каталіцкіх біскупаў у Беларусі арцыбіскуп Тадэвуш Кандрусевіч адзначыў, што ёсць шмат пытанняў да прадстаўнікоў дзяржаўных структур у кантэксце пандэміі каронавірусу. Хутка католікі будуць адзначаць Вялікдзень, і невядома, якія варта прымаць меры бяспекі:
- Была Пальмавая нядзеля, мы асвячаем вербы. Я не спецыяліст у гэтай справе, я не ведаю, ці гэтая вада нясе з сабой заразу, ці не. У суботу трэба будзе асвячаць пасхальную ежу - я таксама не ведаю.
Паводле мітрапаліта, ён запрашаў міністра аховы здароўя на малітву аб спыненні каронавірусу і хацеў задаць пытанне: «Што мы павінны рабіць? Чаму вы нічога не кажаце?».
Іерарх спадзяецца на сустрэчу з «кімсьці адказным, канкрэтныя адказы каб былі»:
- Мы не спецыялісты, мы самі не ведаем, што рабіць, а з боку Міністэрства аховы здароўя няма ніякай ініцыятывы.
У той жа час ён адзначыў, што ў парафіях прымаюць шматлікія меры, каб мінімізаваць магчымасць заражэння:
- У Пальмавую нядзелю ў большасці касцёлаў цэлебравалася святая Імша на вуліцы, там, дзе гэта магчыма, каб была, як кажуць сёння, сацыяльная дыстанцыя. Мы патрабуем больш адказаў, аднак мяне не чуюць.
Апошнім часам інфармацыі больш з’явілася, гэта трохі супакойвае людзей, падкрэсліў мітрапаліт:
- Гэта вельмі важна.
Арцыбіскуп Тадэвуш Кандрусевіч выказаў шчырую падзяку беларускім лекарам за іх самаахвярную працу.
Media
Related items
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- Пацалунак пад абразом і цягнік з адным вагонам – чым дзеліцца парафія ў глыбінцы
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне