Цэнтральныя касцёлы Мінска ў нядзелю: без святла і трансляцыі
- Written by KATOLIK.LIFE
- Published in Царква
- Add new comment
Імшу ў Чырвоным касцёле праводзілі пры свечках
У нядзелю 23 жніўня ў Чырвоным касцёле Мінска (рымска-каталіцкая парафія св. Сымона і св. Алены) каля 13.00 знікла электраэнергія. Камунальныя службы патлумачылі, што адзін з цэнтральных сталічных касцёлаў, адкуль вядзецца пастаянная анлайн-трансляцыя святых Імшаў, застаўся без электрычнасці «ў выніку пазаштатнай сітуацыі».
- Пры адсутнасці электрычнасці і святла святыя Імшы адбываліся пры свечках, а трансляцыя не вялася. Пазней электраэнергія з’явілася, трансляцыя была адноўлена, - паведамілі на старонцы парафіі.
Таксама ў нядзелю трансляцыю па дзяржаўнаму беларускаму радыё святой Імшы з катэдральнага касцёла у 8.15 не пусцілі ў эфір, паведаміў на сваёй старонцы кс. Аляксандр Улас. Нядзельную святую Імшу па радыё вернікі не пачулі ўпершыню за шмат гадоў. Афіцыйна, гэта здарылася «па тэхнічных прычынах».
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах