BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

"Кава са святаром": паглядзіце на паспяховы праект у Instagram

Амаль кожнае відэа ксяндза Паўла Рудзьмана, душпастыра моладзі Пінскай дыяцэзіі, набірае звыш 1 тыс. праглядаў

Апошнім часам у сацсетках з'яўляецца ўсё больш праектаў святароў, манахаў і манашак. Служыцелі Хрыста ідуць у Інтэрнэт, як у свой час апосталы ішлі ва ўсе бакі свету. Бо менавіта сусветнае павуцінне адкрывае самыя шырокія магчымасці для абвяшчэння Евангелля, бязмежнай любові Бога. Тым больш, цяпер, калі свет змяніла пандэмія і па-ранейшаму многія людзі знаходзяцца ў ізаляцыі, немагчымыя афлайн-сустрэчы.

Паспяховы праект у Інтэрнэце стварыў каталіцкі святар Павел Рудзьман - душпастыр моладзі Пінскай дыяцэзіі, аўтар праектаў DDN і Crossway, арганізатар пілігрымкі "Брэст-Баранавічы-Будслаў". У Instagram кс. Павел запусціў серыю публікацый у рубрыцы #кофесосвященником - штодзённыя кароткія відэа на духоўныя тэмы. Як правіла, за кубкам кавы святар каментуе ўрывак з Евангелля, які прапануе Літургія. У рубрыцы ўжо больш за 60 пастоў, і практычна кожнае відэа набірае звыш 1 тыс. праглядаў! А ўсяго на Instagram кс. Паўла падпісаліся ўжо больш за 2,3 тыс.чалавек.

Дарэчы, святар таксама вядзе свой Youtube-канал, на якім выкладвае відэа з нядзельнымі пропаведзямі.

Last modified onНядзеля, 09 Май 2021 22:34

Дадаць каментарый

Ахоўны код
Абнавіць