Молімся за журналістаў. Біскуп Касабуцкі - пра сітуацыю з TUT.BY
- Written by KATOLIK.LIFE
- Published in Царква
- Add new comment
Малітва - гэта вялікая моц, нагадаў каталіцкі іерарх
- Заклікаю да моцнай малітвы за ўсіх тых, каго ў сённяшнія часы, у XXI стагоддзі, пераследуюць за праўду, за веру, за быццё сапраўдным чалавекам, - напісаў на сваёй старонцы ў сацсетцы беларускі каталіцкі біскуп Юрый Касабуцкі. Ён нагадаў, што малітва - гэта вялікая моц, якая дае сілы вытрымаць ў любых жыццёвых сітуацыях.
- Молімся за ўсіх журналістаў, асабліва за каманду tut.by у гадзіну выпрабаванняў, - адзначыў біскуп Касабуцкі і абнавіў сваю аватарку, дадаўшы лагатып салідарнасці з выданнем.
18 траўня ў офіс буйнейшага незалежнага інтэрнэт-партала Беларусі прыйшлі з ператрусам, узбуджана крымінальная справа, вядома як мінімум пра 13 затрыманых супрацоўнікаў рэдакцыі.
Тым часам на платформе petitions.by з'явіўся калектыўны зварот з патрабаваннем спыніць ціск на партал tut.by і разблакаваць яго, забяспечыць права журналістаў на працу. За паўдні петыцыю падпісалі ўжо некалькі тысяч чалавек.
Media
Related items
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- У Ізраілі католікі з Беларусі спакойна перажылі атаку Ірана, але «вайна дастала»
- Паранены святар, пасадка бульбы: як жывуць пры абстрэлах вернікі Харкава і рэгіёну
- У Беларусі ўвялі Дзень цяжарных: хто ініцыятар і чаму такія даты