«Скінь у пекла злога духа вайны і нянавісці»: малітоўная акцыя католікаў на мяжы Беларусі і Украіны
- Written by KATOLIK.LIFE
- Published in Царква
- Add new comment
«Праз некалькі кіламетраў - вялікае цярпенне і пакуты украінскага народа», - гаворыць святар з месца малітвы на памежжы
Дэкан Стаўбцоўскі ксёндз канонік Ігар Лашук 3 сакавіка распачаў спецыяльную малітоўную акцыю ў Гомельскай вобласці, у рэгіёне беларуска-украінскага памежжа. З абразом Маці Божай Юравіцкай і фігурай Арханёла Міхала святар наведвае парафіі і разам з мясцовымі вернікамі ладзіць набажэнствы. Пасля першай малітвы ў Гомелі і благаслаўлення біскупа Казіміра Велікасельца кс. Ігар адправіўся ў шлях уздоўж мяжы.
«Вернікі Нароўлі і Грушаўкі віталі Абраз Маці Божай Юравіцкай і фігуру Арханёла Міхала, каб праз іх заступніцтва маліцца аб спыненні вайны ва Ўкраіне, аб Божым прабачэнні, за ўсіх загінулых... Дзякую кс. Ігару за адвагу і жаданне прыбыць у месцы горычы і болю, каб супольна маліцца», - адзначыў мясцовы пробашч кс. Януш Чарнамораў.
«Грушаўка і Нароўля: праз некалькі кіламетраў - вялікае цярпенне і пакуты украінскага народа. Даруй, Пане, людзям тваім, што не ўмеюць мірна размаўляць паміж сабою», - маліўся кс. Ігар.
Перэгрынацыя працягваецца - з просьбай аб заступніцтве Маці Божай, з малітвай да святога Арханёла Міхала «скінуць у пекла сатану, злога духа вайны і нянавісці, спыніць вайну ва Украіне».
Media
Related items
-
Адлучэнне ад царквы, прысуд за адмаўленне Халакоста: хто гэты "каталіцкі біскуп", які падтрымаў Пуціна
-
"Чаму, навошта, калі гэта ўсё скончыцца?" Адказаў біскуп Касабуцкі
-
«Наша Айчына - у Нябёсах». Католікі святкуюць Унебаўшэсце Пана
-
"40 дзён сядзелі ў склепе касцёла разам з праваслаўнымі". Як жывуць католікі ў суседнім Чарнігаве
-
У Будслаў аднаўляюцца масавыя пешыя пілігрымкі. Першая выйдзе з Баранавічаў