Да пробашча Чырвонага касцёла, які жыве без электрычнасці, прыйшлі праваслаўныя – каб узяць святло
- Written by KATOLIK.LIFE
- Published in Царква
- Add new comment
Святар жыве ў плябаніі закрытага касцёла пры свячах і мае асаблівае святло, якое перадаў праваслаўным вернікам, у тым ліку – расійскім
Не толькі мінулагодні Бэтлеемскі агонь, які захаваўся пры тушэнні пажару цудоўным чынам, ёсць цяпер у плябаніі закрытага Чырвонага касцёла ў Мінску. 20 снежня каталіцкія скаўты завіталі да пробашча Уладзіслава Завальнюка, які жыве без электрычнасці пры газавых лямпах, і прынеслі для парафіі сёлетні Бэтлеемскі агонь міру.
А назаўтра да каталіцкага святара прыйшлі праваслаўныя скаўты, якія традыцыйна бралі з Чырвонага касцёла гэты сімвал Божага нараджэння. Ксендз Уладзіслаў і цяпер падзяліўся з гасцямі Бэтлеемскім агнём міру, які будзе перададзены праваслаўным прыходам Гродзенскай епархіі, а таксама – прыходам у Расіі, паведамляе парафія святога Сымона і святой Алены.
Related items
-
50 – 100 кіламетраў кожную нядзелю: у Беларусі – востры недахоп каталіцкіх святароў
-
Сітуацыя: католікаў абавязалі адрамантаваць касцёл, якім не карыстаюцца, каб аддаць яго дзяржаве
-
Рэкордная колькасць чалавек далучылася да Каталіцкай царквы ў Маскве
-
Як прайшло ў цэнтры Мінска масавае шэсце католікаў – адметнасці
-
Асаблівы выпадак: вайсковы аркестр суправадзіў каталіцкую працэсію ў Віцебску