Мінскія ўлады забаранілі праводзіць Велікодныя службы ля закрытага Чырвонага касцёла
- Written by KATOLIK.LIFE
- Published in Царква
- Add new comment
Просьбу расцанілі як заяўку на масавае мерапрыемства, для правядзення якога трэба загадзя аплочваць паслугі міліцыі, медыкаў і камунальнікаў.
Улады Мінска адмовілі на просьбу каталіцкай парафіі святога Сымона і святой Алены дазволіць правесці Велікодныя службы ў плябаніі і на прылеглай тэрыторыі Чырвонага касцёла, закрытага ужо болей за паўгода. Уваскрасенне Хрыстова католікі пачынаюць святкаваць ужо ўвечары 8 красавіка.
«Мы звярталіся да ўладаў з просьбай дазволіць Богаслужэнні на Велікодныя ўрачыстасці, аднак атрымалі адказ – нельга. Вось такое "пасхальнае віншаванне". Працягваем далей з вераю маліцца ў інтэнцыі вяртання святыні вернікам і аднаўленні парафіяльнага жыцця. А Хрысту, Які ёсць ПРАЎДАЙ і СПРАВЯДЛІВАСЦЮ, даручаем усіх, хто прымае рашэнні», – гаворыцца ў паведамленні касцёльнага камітэту.
Там адзначылі, што сёлета «Велікодныя святы для парафіі асаблівыя: маем нагоду бліжэй дакрануцца і перажыць знявагі, адкінутасць і боль нашага Збаўцы»:
«На вялікі жаль, наша святыня да гэтага часу зачынена. Чырвоны касцёл, які ў Пасхальныя дні з малітвай напаўнялі тысячы вернікаў, зараз пусты. Наш Збавіцель, Які прыняў страшэнныя пакуты за ўсіх людзей, імі ж – людзьмі – выгнаны са святыні».
Наш канал в Telegram – только важное. Подписаться >
Як вынікае з апублікаванага адказу Мінгарвыканкама, просьбу аб Велікодных службах ля касцёла ўлады расцанілі як заяўку на масавае мерапрыемства, для правядзення якога трэба загадзя аплочваць паслугі міліцыі, медыкаў і камунальнікаў.
«Прадстаўленая вамі заява не адпавядае патрабаванням закона (...) Мінгарвыканкам не ўзгадняе правядзенне заяўленых масавых мерапрыемстваў і паведамляе аб недапушчальнасці парушэння заканадаўства», – гаворыцца ў адказе намесніка старшыні Мінгарвыканкама Арцёма Цурана.
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»