«Адчуваю патрэбу перапрасіць усіх». Біскуп адрэагаваў на сюжэт пра асуджанага святара
- Written by KATOLIK.LIFE
- Published in Царква
- Add new comment
Адкрытая размова пра самыя складаныя сітуацыі можа стаць спосабам евангельскага аздараўлення, падкрэсліў іерарх, які ўдзяляў святарскае пасвячэнне ксяндзу Дзянісу Бразінскаму.
Генеральны вікарый Мінска-Магілеўскай архідыяцэзіі біскуп Аляксандр Яшэўскі на сваёй старонцы ў Instagram пракаментаваў сюжэт, які выйшаў на дзяржаўным тэлебачанні, пра асуджанага за п'янае ДТЗ святара. (Падрабязнасці: Не скажаш сам – скажа хтосьці, і будзе горш. Маўчанне Касцёла пра яго праблемы выкарыстоўваюць «другія»).
Гэта трагедыя для іерарха не чужая – менавіта біскуп Аляксандр у 2016 годзе ўдзяляў святару прэзбітарскае пасвячэнне.
«Адказваючы на шматлікія пытанні з вашага боку аб рэпартажы пра кс. Дзяніса Бразінскага, скажу наступнае. Многіх з нас закрануў гэты рэпартаж, які быў паказаны на беларускім тэлебачанні. Убачанае выклікала многа эмоцый і розныя пытанні. Адчуваю патрэбу перапрасіць усіх, хто праз гэтую сітуацыю адчувае сябе збянтэжаным і аслабленым у сваёй веры», – адрэагаваў іерарх.
Ён адзначыў, што асабліва спачувае блізкім, родным, знаёмым, прыяцелям і ўсім неабыякавым людзям, якія аплакваюць трагічную смерць Міхала (які загінуў пасля аварыі, учыненай святаром).
«Немагчыма жыць паўнатой Евангелля, не дасягнуўшы праўды ва ўсіх вымярэннях. Гэта значыць, што адкрытая размова пра самыя складаныя сітуацыі, такія як і гэта, на шляху веры і любові можа стаць спосабам евангельскага аздараўлення», - падкрэсліў біскуп.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў