«Мы жывём ва ўмовах нязгоды, цяжкасцяў і цярпення». Католікі пачалі 9-дзённую малітву да Святога Духа
- Written by KATOLIK.LIFE
- Published in Царква
- Add new comment
Менавіта Святы Дух падтрымлівае нас у барацьбе са злом, асвячае нас і надае сэнс нашаму чалавечаму існаванню, нагадаў святар.
Каталіцкія вернікі 19 траўня пачалі 9-дзённае набажэнства – навэнну да Духа Святога. У Касцёле паходзіць звычай ладзіць гэтую малітву, пачынаючы з пятніцы пасля ўрачыстасці Унебаўшэсця Пана да суботы перад урачыстасцю Спаслання Духа Святога.
Навэнна бярэ свой пачатак у малітоўным чаканні Апосталамі спаслання абяцанага Езусам Суцяшыцеля. Пасля ўнебаўшэсця Пана Апосталы вярнуліся ў Ерузалем і на працягу дзевяці дзён сумесна трывалі ў малітве разам з Марыяй, жанчынамі і вучнямі Пана.
Да малітоўнага чування заахвочваюць святары – некаторыя з іх гавораць важныя для вернікаў словы: не агульныя, а канкрэтныя, якія тычацца цяперашняй рэальнасці, у святле хрысціянскай веры.
«Мы жывём ва ўмовах нязгоды, цяжкасцяў і цярпення. Аднак Хрыстус не пакінуў нас адных, абяцаючы спаслаць Святога Духа. Менавіта Святы Дух падтрымлівае нас у барацьбе са злом, асвячае нас і надае сэнс нашаму чалавечаму існаванню. З удзячнасцю ў сэрцы станем перад алтаром, дзе моцаю Святога Духа ўдзельнічаем у ахвяры Хрыста і Касцёла, а таксама атрымліваем неабходныя ласкі для хрысціянскага жыцця. Давайце прасіць Бога, каб сілай Святога Духа ачысціў нашае сумленне, каб мы змаглі прыняць Божыя дары», – гаворыцца ў нядзельных аб'явах адной з парафій Гродзенскай дыяцэзіі.
Media
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў