Пешыя пілігрымкі прыбываюць у Будслаў, пачынаецца фэст – відэа-трансляцыя

Пешыя і роварныя пілігрымкі з розных куткоў Беларусі 30 чэрвеня прыбываюць у Будслаў (фота: facebook.com/alexulas), дзе ў пятніцу-суботу пройдзе каталіцкі фэст у гонар цудатворнага абраза Маці Божай Будслаўскай. 30 чэрвеня адбудзецца святая Імша для пілігрымаў, Крыжовы шлях, вячэрняя працэсія, начная Імша. У суботу, у 11.00 цэнтральную святую Імшу будзе цэлебраваць спецыяльны пасланнік Папы Рымскага арцыбіскуп Клаўдыё Гуджэроці (поўная праграма — тут).

Традыцыйна ў Будслаў прыбываюць тысячы паломнікаў, многія ідуць пешшу — у прыватнасці, з Мінска, Віцебска, Ліды, Смаргоні. А самая доўгая пілігрымка — з Баранавічаў — прайшла амаль 300 кіламетраў. Пілігрымы пераадольваюць шлях да Маці Божай з песнямі, малітвамі, нясуць да Яе свае просьбы.

Наш канал в Telegram – только важное. Подписаться >

Сёлета ўрачыстасці праходзяць пад дэвізам «Марыя — Каралева Беларусі» і прысвечаны 25-годдзю каранацыі цудатворнага абраза Маці Божай Будслаўскай. На канале Catholic.by вядзецца прамая трансляцыя урачыстасцяў.