«За ворагаў таксама молімся». Католікі ў Ізраілі распавялі, як перажываюць вайну
- Written by KATOLIK.LIFE
- Published in Царква
- Add new comment
Вернікі, сярод якіх ураджэнка Беларусі, напісалі ліст Папу Рымскаму – што яны хацелі яму данесці?
Супольнасць каталіцкіх вернікаў у ізраільскім горадзе Хайфа з Іўрытамоўнага вікарыяту святога Якуба 11 лістапада зноў сабралася на святую Імшу. Нагадаем, нядзельная служба тут праходзіць па суботах.
Як распавяла Katolik.life ураджэнка Беларусі, мясцовая парафіянка Ларыса, дзеці многіх вернікаў зараз выконваюць воінскі абавязак:
«Некаторыя цяпер у Газе. У адно з верніц адразу трое дзяцей на баявых, у тым ліку дачка. Молімся за нашых салдат, за нашу перамогу, за захопленых закладнікаў. Молімся і за ворагаў, каб Гасподзь крануўся іх сэрцаў і пазбавіў іх гэтай жорсткасці. Ніхто з вернікаў не з'ехаў, на Імшы збіраемся рэгулярна».
Як мы ўжо паведамлялі, зараз у арміі абароны Ізраіля працягвае праходзіць службу ўраджэнец Беларусі >
Мясцовыя католікі засмучаныя тым, як асвятляецца супрацьстаянне Ізраіля з тэрарыстамі ХАМАС, якія напалі на мірнае насельніцтва. Таму напісалі ліст Ерузалемскаму Лацінскаму Патрыярху і Папе Рымскаму:
«Мы расказалі, што адбываецца. Што мы насамрэч ахвяры, а не агрэсары. Многія падпісалі гэты ліст, бо не задаволеныя асвятленнем падзей, як нам падалося, аднабокім».
Наш канал в Telegram – только интересное и важное. Подписаться >
Як адзначылі вернікі, ізраільцяне не вінаватыя ў тым, што ХАМАС прыкрываецца дзецьмі і жанчынамі, трымае ўзбраенне ў шпіталях і каля грамадзянскіх аб'ектаў.
Related items
-
У Папы Рымскага «складаная клінічная карціна» – адменена аўдыенцыя
-
Чэлендж: беларусам прапануюць арыгінальна адзначыць Дзень святога Казіміра
-
Стала вядома, дзе могуць стварыць «духоўны цэнтр» для католікаў у Беларусі
-
Нацыянальны дзень малітвы ўстанавілі ва Украіне як крыніцу сілы
-
Дзе і як адзначыць Дзень святога Валянціна? У адзіным у Беларусі касцёле ў ягоны гонар