Прэм'ера навагодняга фільму – «Радыё Марыя» прадставіла «каталіцкі артхаўз»

Беларуская каманда «Радыё Марыя», як і летась, падрыхтавала фільм да Новага году. Прэм'ера ў YouTube – 31 снежня ў 21.00 па мінскім часе (відэа – ніжэй):

«Шчыра запрашаем усю хрысціянскую супольнасць да прагляду новага каталіцкага навагодняга фільма «Цудоўны падарунак» (2024). Канцэпцыя фільма сёлета засталася той жа: кіно – плён супольнай працы розных парафій, малітоўных груп і супольнасцяў. Калі настрой не вельмі святочны і кудысьці прапала натхненне – усё роўна трэба нешта рабіць, бо Бог любіць дзейсных. А там паглядзім, што атрымаецца. Будзьма разам, святкуйма па-хрысціянску!»

Ініцыятары стварэння фільма – каманда «Радыё Марыя», так ахарактарызавалі жанр кіно: каталіцкі артхаўс. На працягу фільма гледача чакаюць спевы, добрыя сюжэты пра вечныя каштоўнасці, крыху гумарыстычнага экспромта ад рэдакцыі і дакладна шмат шчырасці ды любові.

Наш канал в Telegram – только интересное и важное. Подписаться >

Не абыдзецца без сюрпрызаў – у канцы фільма прагучыць вядомая песня па-беларуску ў выкананні святара, які стаў папулярным у Беларусі і не толькі.