На ўзроўні цуда. «Радыё Марыя ў Беларусі» можа пазбавіцца памяшкання і просіць дапамогі
- Written by KATOLIK.LIFE
- Published in Царква
- Add new comment
Калі б атрымалася выкупіць будынак, які арэндуе рэдакцыя, гэта дало б магчымасць не толькі пашырыць студыю, але і ўладкаваць там жыллё для святара дырэктара, які не мае дзе жыць, і пабудаваць капліцу. Але на гэта трэба 140 тысяч даляраў.
Рэдакцыя «Радыё Марыя ў Беларусі», якое стварае не толькі выключна каталіцкі, але і багаты культурны, краязнаўчы кантэнт, сутыкнулася з новай сур'ёзнай праблемай. Цяпер гаворка ідзе не пра цяжкасці з выплатамі заробкаў, а пра верагодную страту памяшкання рэдакцыі.
Будынак, у якім радыё арэндуе памяшканне, прададзены, таму рэдакцыя павінна пакінуць яго праз 3 месяцы:
«Выезд для нас – не проста "задача", гэта як раз "праблема". Бо нашы патрабаванні да памяшкання надта высокія, а нашыя магчымасці надта малыя. У гэтай сувязі мы крычым і просім аб дапамозе».
У рэдакцыі бачаць два выйсця. Адно з іх – самім выкупіць будынак:
«Першы план – на ўзроўні цуда. Але мы католікі, цуды з намі здараюцца. Мы хочам... паспрабаваць самім купіць гэты дом. Аванс ад новага ўласніка яшчэ не атрыманы, таму можна паспрабаваць. Трэба "ўсяго толькі" 140 000 даляраў, і ён можа стаць нашым. І гэта адразу дае нам шмат крутых магчымасцяў. Ад расшырэння студыі і арганізацыі жытла для ксяндза дырэктара (бо яму няма дзе жыць), да пабудовы капліцы».
План «Б» – тэрмінова знайсці іншае памяшканне – не нашмат лягчэйшы. У рэдакцыі патлумачылі, чаму і папрасілі дапамогі ідэямі, прапановамі і фінансамі.
Media
Related items
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная