«Умацаванне стабільнасці і адзінства». Дзяржорганы назвалі свае задачы ў рабоце з Царквой
- Written by KATOLIK.LIFE
- Published in Царква
- Add new comment
Мясцовыя ўлады павінны ўзаемадзейнічаць з рэлігійнымі арганізацыямі ў тым ліку ў рабоце па «папярэджанні ідэй гвалту і экстрэмізму».
У апараце Ўпаўнаважанага па справах рэлігій і нацыянальнасцяў пры Саўміне РБ паведамілі аб двух мерапрыемствах, якія паказваюць, якія задачы ставяць дзяржаўныя органы ў рабоце з рэлігійнымі арганізацыямі.
21 траўня адбылося пасяджэнне «міжведамаснай рабочай групы па ўдасканаленні дзяржаўнай палітыкі ў сферы нацыянальных адносін». На гэтым пасяджэнні абмяркоўвалася «рэалізацыя органамі выканаўчай улады сумесных з рэлігійнымі арганізацыямі праектаў па грамадзянска-патрыятычным выхаванні моладзі».
Таксама сярод мэтаў – развіццё рэлігійнага турызму, «захаванне традыцыйных нацыянальных каштоўнасцяў ва ўмовах выклікаў і пагроз сучаснасці».
Адзначаецца, што мясцовымі ўладамі ў Магілёве і Гомелі «аказваецца інфармацыйнае і метадычнае садзейнічанне рэлігійным арганізацыям у іх рабоце па захаванні этнаканфесійнага міру і згоды ў грамадстве, папярэджанні ідэй гвалту і экстрэмізму, у тым ліку шляхам тлумачэння патрабаванняў дзеючага заканадаўства ў частцы выканання палажэнняў Закона Рэспублікі Беларусь «Аб масавых мерапрыемствах».
У паведамленні падкрэсліваецца, што «актыўны ўдзел святароў традыцыйных канфесій у дзяржаўных мерапрыемствах, сумесных грамадска-палітычных акцыях і праектах з'яўляецца адным са складнікаў далейшага ўмацавання адзінства народа Беларусі, стабільнасці ў грамадска-палітычнай сферы, спрыяе фармаванню ў грамадстве прыярытэтаў міру і згоды».
У той жа дзень у мінскім праваслаўным храме Узвышэння Святога Крыжа адбылося пасяджэнне Кансультатыўнага міжканфесійнага савета пад старшынствам Упаўнаважанага па справах рэлігій і нацыянальнасцяў Аляксандра Румака. На гэтай сустрэчы разглядаліся «роля і ўдзел рэлігійных і грамадскіх арганізацый у захаванні памяці аб Вялікай Перамозе».
З дакладамі на гэтую тэму выступілі кіраўнік БПЦ мітрапаліт Мінскі і Заслаўскі Веніямін, старшыня каталіцкага епіскапату Мітрапаліт Мінска-Магілёўскі арцыбіскуп Юзаф Станеўскі, старшыня Мусульманскага рэлігійнага аб'яднання Абу-Бекір Шабановіч, прадстаўнікі Мінабароны, НАН Беларусі і кіраўнік БРСМ.
Наш канал в Telegram – только интересное и важное. Подписаться >
Related items
-
Папа Рымскі сустрэўся з прэзідэнтам Украіны на G7 у Італіі
-
«Бывала, на пяць хвілін прарывалася Імша». Як выглядае рэлігійнае жыццё ў турме
-
Чырвоны касцёл у Мінску не адкрыюць у бліжэйшы час – улады назвалі новую прычыну
-
Маці салдата, які загінуў пасля ранення на мяжы Польшчы і Беларусі «З верай глядзім угору»
-
Як прайшла ў кватэры першая ў горадзе Імша, паказаў святар