Каб служыць беларусам у Познані, польскі езуіт вучыць беларускую мову

Польскі святар айцец Гжэгаж Дабрачыньскі, езуіт, распачаў служэнне душпастыра для супольнасці беларускіх католікаў у Познані. У нядзелю 20 кастрычніка ён будзе адпраўляць ужо другую святую Імшу на беларускай мове.

Супольнасць звярталася да свайго іерарха з просьбай аб прызначэнні новага душпастыра. Каб несці паслугу супольнасці, святар пачаў вучыць беларускую мову і ўпершыню ў жыцці 13 кастрычніка цэлебраваў Эўхарыстыю па-беларуску, паведаміла душпастырства беларусаў у Польшчы.

Цікава, што раней айцец Гжэгаж – доктар фундаментальнай тэалогіі, публіцыст – быў на місіі ў афрыканскай краіне Замбія.

Цяпер у Познані святыя Імшы на беларускай мове айцец Гжэгаж адпраўляе кожную нядзелю ў 12:30 у касцёле Найсвяцейшага Сэрца Пана Езуса і Маці Божай Суцяшальніцы па адрасе Szewska 18.

У беларускай супольнасці таксама адбываюцца дні засяроджання і рэкалекцыі, сустрэчы пасля Імшы за кавай.

Наш канал в Telegram – только интересное и важное. Подписаться >