Як сустрэлі Вялікдзень у касцёлах Беларусі: топ-7 відэа

Красавік 20, 2025
Written by KATOLIK.LIFE
Published in Царква
Add new comment

Вернікі перажывалі літургію святла, абнаўлялі свой хрост, у некаторых парафіях адбыўся сакрамэнт хросту, а раніцай правялі рэзурэкцыйныя працэсіі.

«Хрыстос уваскрос!» – вітаюць адзін аднаго вернікі. Католікі Беларусі (а ў сёлета адначасова і праваслаўныя) у ноч з 19 на 20 красавіка пачалі святкаванне Вялікадня. На пасхальных вігіліях у касцёлах вернікі перажывалі літургію святла, абнаўлялі свой хрост, у некаторых парафіях адбыўся сакрамэнт хросту.

Пасля вячэрніх службаў, а таксама раніцай у Велікодную нядзелю ў касцёлах правялі рэзурэкцыйныя працэсіі.

Сабралі яркія моманты святкавання са сторыс у Instagram парафій святога Андрэя ў Нарачы, святога Францішка ў Мінску (там літургію ўзначаліў арцыбіскуп эмэрыт Тадэвуш Кандрусевіч), Беззаганнага Зачацця Найсвяцейшай Панны Марыі ў мінскім мікрараёне Сухарава (хрост), святога Юзафа Рамесніка і Благаслаўленых Сясцёр Назарэтанак Мучаніц у Лідзе (спеў ва ўсходнім стылі), Езуса Міласэрнага ў Віцебску (на фота), Унебаўзяцця Найсвяцейшай Панны Марыi ў Пінску, санктуарыя Маці Божай у Будславе.