У Беларусь прыбыў новы Апостальскі нунцый: чаму гэта важна
- Written by KATOLIK.LIFE
- Published in Царква
- Add new comment
Прадстаўнік Папы Рымскага правёў першую сустрэчу з біскупамі.
26 чэрвеня ў Мінску адбылася першая сустрэча каталіцкіх біскупаў Беларусі з новым Апостальскім Нунцыем у Рэспубліцы Беларусь арцыбіскупам Іньяцыё Чэфалья, паведаміла Пінская дыяцэзія і апублікавала фота.
Дыпламатычны прадстаўнік Папы Рымскага, «пасол» Ватыкану прадставіў біскупам дакумент Апостальскай Сталіцы аб сваім прызначэнні. Нагадаем, вернікі чакаюць, што менавіта ён узначаліць галоўную Імшу на фэсце ў Будславе.
Таксама вернікі спадзяюцца, што прыбыццё ў Беларусь новага Нунцыя паспрыяе хутчэйшаму вызваленню зняволеных святароў.
«Кожны з прысутных іерархаў мог пагаварыць з Нунцыем і расказаць пра сваю гісторыю, падзяліцца досведам служэння ў Касцёле», – адзначаецца ў паведамленні дыяцэзіі.
Напрыканцы арцыбіскуп Юзаф Станеўскі, у рэзідэнцыі якога адбывалася сустрэча, пачаставаў гасцей абедам.
Media
Related items
-
«Сэрца разрываецца». У Беларусі не змаглі служыць Імшу святары з Польшчы – выказаўся біскуп
-
З'явілася пацверджанне аб ліквідацыі парафіі грэка-католікаў у Оршы
-
Папа Рымскі з лякарні патэлефанаваў Пуціну – каб выратаваць дзве тысячы чалавек
-
Цуды – кожны дзень. У Будславе распавядаюць, як і каму дапамагла Божая Маці
-
Упершыню ў Беларусі (ці ў свеце?) асвяцілі абраз, створаны з дапамогай штучнага інтэлекту