Фота, якімі хочацца дзяліцца: іерархі гушкаюцца на арэлях

Санктуарый Маці Божай Шкаплернай у Гудагаі 24 кастрычніка наведалі арцыбіскуп эмерыт Тадэвуш Кандрусевіч і Генеральны вікарый Мінска-Магілёўскай архідыяцэзіі біскуп Юрый Касабуцкі. Каталіцкія іерархі памаліліся за памерлых кармэлітаў – браты гэтай кангрэгацыі апякуюцца санктуарыем.

А таксама госці благаславілі працу айца Казімежа, манаха, які служыць у Гудагаі, – вялікія драўляныя арэлі. Іерархі іх не толькі благаславілі, але пагушкаліся на іх – выпрабавалі канструкцыю на трываласць.

Наш канал в Telegram – только интересное и важное. Подписаться >

Мілыя кадры з біскупамі і манахамі ў нефармальнай абстаноўцы апублікавалі на старонцы санктуарыя. На здымкі трапіў і вядомы многім вернікам сабачка.

Фота: Міша Падарэцкі, Аркадзь Куляха OCD