Рэдкі выпадак: дэлегацыя дзяржслужачых разам з біскупамі і праваслаўным святаром наведалі касцёл

Апошні час дзяржаўныя служачыя ўсё часцей з'яўляюцца ў касцёлах: як правіла, у каталіцкіх рэгіёнах парафіяльныя святы часам наведваюць старшыні сельскіх і раённых выканкамаў або іх намеснікі.

А ў Ваўкавыску на ўрачыстую Імшу прыбыла цэлая дэлегацыя. 18 верасня ў парафіі святога Станіслава Косткі адзначылі 100-годдзе супольнасці. З гэтай нагоды тут віталі адразу чатырох біскупаў: гэта Мітрапаліт Мінска-Магілёўскі арцыбіскуп Юзаф Станеўскі, ардынарый Гродзенскі біскуп Уладзімір Гуляй, біскуп эмэрыт Аляксандр Кашкевіч, дапаможны біскуп Пінскай дыяцэзіі Андрэй Зноска.

Акрамя таго, на свяце былі праваслаўны святар і прадстаўнікі дзяржаўнай улады: старшыня Ваўкавыскага райвыканкама Дзмітрый Захарчук, старшыня раённага Савета дэпутатаў Сяргей Якімовіч, намеснік старшыні райвыканкама і кіраўнік раённай арганізацыі партыі «Белая Русь» Ігар Салавей.

Магчыма, такія візіты цяпер стануць трэндам. Літаральна назаўтра Аляксандр Лукашэнка заявіў, што плануе наведаць касцёл у Будславе.