BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Найменшы ў самым маленькім касцёле: у Беларусі з'явіўся новы арган

Найменшы ў самым маленькім касцёле: у Беларусі з'явіўся новы арган

Ён усталяваны ў адзіным у краіне храме з тытулам святога Валянціна.

У Беларусі з'явіўся новы арган – ён усталяваны ў каталіцкім храме святога Валянціна ў Смалявічах. Упершыню інструмент загучаў на нядзельнай святой Імшы 16 лістапада, паведаміў на сваёй старонцы арганазнаўца Аляксандр Бурдзялёў, аўтар і мастацкі кіраўнік штогадовага фестывалю Ars Magna Organi.

«Мабыць, у Беларусі гэта самы маленькі касцёл з духавым арганам, і самы маленькі спраўны арган. Для невялікага аб'ёму касцёла гэтага інструмента больш чым дастаткова. Ён добра падыходзіць для суправаджэння Імшы і для акампанементу і генерал-басу ў ансамблевых спалучэннях», – пракаментаваў эксперт.

Інструмент выраблены нямецкай фірмай Paschen, ён не новы і быў дастаўлены ў Смалявічы ў разабраным выглядзе, а затым змантаваны.

Нагадаем, касцёл святога Валянціна – адзіны храм з такім тытулам у Беларусі.

Такім чынам, пасля таго, як у ліпені арган з'явіўся ў касцёле ў Лагішыне, інструмент у Смалявічах стаў, імаверна, 125-м дзейным арганам у Беларусі.

Наш канал в Telegram – только интересное и важное. Подписаться >

Media

Last modified onСубота, 29 Лістапад 2025 12:02
Tagged under
Дадаць каментарый

Ахоўны код
Абнавіць