Зарок маўчання? Мінуў месяц, як былі вызваленыя беларускія святары

Мінуў месяц з таго часу, як былі вызваленыя і вывезеныя з Беларусі зняволеныя каталіцкія святары. За ўвесь гэты час ні ксёндз Генрых Акалатовіч, ні айцец Анджэй Юхневіч не з'явіліся на публіцы, не зрабілі ніякіх заяваў і нават амаль не выходзілі на сувязь з блізкімі – наколькі вядома вернікам.

Ксёндз Юхневіч таксама не з'яўляўся онлайн на сваіх старонках у сацсетках. У Ватыкане беларускіх святароў не заўважалі на публічных мерапрыемствах, афіцыйных сустрэч з іх удзелам не праводзілі. Больш за тое, ніякай афіцыйнай інфармацыі, што яны былі вывезеныя ў Ватыкан, не з'явілася.

Як заяўляў выданню «Форум 18» прэс-сакратар каталіцкага епіскапату ксёндз Юрый Ясевіч, у дзень вызвалення святары былі дастаўлены ў Апостальскую нунцыятуру, затым – у мінскі аэрапорт. Відавочна, што ў Рым яны ляцелі з перасадкай.

Вернікі мяркуюць, што святары працягваюць знаходзіцца ў Ватыкане і, верагодна, праходзяць медыцынскую рэабілітацыю, хоць пацверджання гэтаму няма. Такім чынам, у адрозненні ад іншых вызваленых і вывезеных зняволеных, святары захоўваюць «зарок маўчання» і не маюць магчымасці на якую-небудзь публічную дзейнасць.

Наш канал в Telegram – только интересное и важное. Подписаться >