Беларускія манахі і манахіні ствараюць медыяпраект. Пра што яны распавядаюць?

Люты 2, 2026
Written by KATOLIK.LIFE
Published in Царква
Add new comment

Колькі ўсяго манаскіх ордэнаў у Беларусі і ці здымаюць законныя сёстры хабіт на ноч?

2 лютага, калі адзначаецца «прафесійнае свята» манахаў і манахінь – Сусветны дзень кансэкраванага жыцця (прысвечанага Богу), знаёмім з медыйнай прасторай манаскіх супольнасцяў у Беларусі.

Праект «Пакліканыя» запусцілі ў 2025 годзе самі манахі і манахіні, «каб расказаць пра Бога і Евангелле, пра сваё жыццё, веру на мове, зразумелай сучаснаму чалавеку».

На старонку праекта запрашаюць тых, каму цікавая гісторыя манаства, хто хоча будаваць сваё жыццё не на міфах і ўяўленнях, задаецца пытаннем пра сэнс паклікання і яго штодзённасць, хоча даведацца пра колькасць і разнастайнасць кансэкраванага жыцця ў Беларусі.

Таксама манахі і манахіні адказваюць на пытанні, якія цікавяць вернікаў. Напрыклад, ці здымаюць законныя сёстры хабіт на ноч і ці можна падчас Вялікага посту хадзіць у цырк і на канцэрты.

Асобна нагадаем, што свае старонкі актыўна вядуць беларускія дамініканкі і капуцыны.