Католікі ў Гродзенскай дыяцэзіі на працягу месяца моляцца за дзяржаўныя ўлады. Аб чым менавіта?

Супольнасць «Жывога Ружанца» Гродзенскай дыяцэзіі, якая складаецца з тысяч вернікаў, атрымала адметную інтэнцыю для штодзённай малітвы ў чэрвені. Мы заўважылі гэта ў аб'явах парафій. Пасля змены таямніц Ружанца, якая адбылася 7 чэрвеня, новая інтэнцыя гучыць так:

«Молімся за кіраўніцтва і дзяржаўных служачых нашай краіны, каб, надзеленыя духам служэння і адказнасці, клапаціліся пра супольнае дабро, захаванне маральнага ладу і справядлівасці ў нашай Бацькаўшчыне».

Гэта дыяцэзіяльная інтэнцыя. Звычайна групы «Жывога Ружанца» моляцца ў паўсюднай інтэнцыі, якую вызначае на кожны месяц Папа Рымскі. Напрыклад, у чэрвені гэта малітва аб тым, каб каб спорт быў інструментам міру, сустрэчы і дыялогу.

Але ў некаторых рэгіёнах ёсць і дыяцэзіяльныя, і парафіяльныя інтэнцыі. Яны таксама змяняюцца штомесяц і звычайна тычацца рэлігійнага жыцця. У траўні дыяцэзіяльная інтэнцыя на Гродзеншчыне была за святароў і кансэкраваных асобаў.

Наш канал в Telegram – только интересное и важное. Подписаться >