30 жніўня пачынаюцца ўступныя іспыты ў Катэхетычны каледж у Баранавічах

Навучанне ў катэхетычным каледжы ажыццяўляецца па трох спецыяльнасцях: катэхетыка, агульная тэалогія, сямейнае кансультаванне

• Катэхетыка:  прадугледжана для асобаў, якія жадаюць пасля заканчэння ўстановы працаваць у парафіях у якасці катэхетаў (выкладчыкаў катэхізіса). Студэнты гэтай групы акрамя вывучэння тэалогіі маюць магчымасць паглыбленага навучання ў галіне тэарэтычных асноваў і практычных метадаў катэхізацыі, якія існуюць у Каталіцкім Касцёле.

• Агульная тэалогія:  прадугледжана для асобаў, якія не маюць намеру працаваць катэхетамі. Гэтая спецыялізацыя разлічаная на людзей, якія жадаюць паглыбіць сваю веру і веды, вывучаючы каталіцкую тэалогію. Акрамя гэтага студэнты маюць магчымасць удасканаліць свае веды ў галіне рэлігійнага аспекта гуманітарных навук.

• Сямейнае кансультаванне:  прадугледжана для асобаў, якія жадаюць на прафесійным узроўні дапамагаць душпастырам у вырашэнні разнастайных духоўных і маральных пытанняў звязаных з сужэнскім і сямейным жыццём вернікаў.

У каледж прымаюцца асобы ад 18 гадоў. Навучанне доўжыцца тры гады. Форма навучання — завочная. Заняткі пачынаюцца ў верасні і праходзяць па суботах і нядзелях два разы на месяц (першы і трэці тыдзень месяца).

Падрабязная нфармацыя па тэлефонах:

+375 (0163) 57-93-14; +375295135792 (МТС);
+375297273198 (МТС);

Факс: +375 (0163) 57-93-07; е-mail: callegge@gmail.com

кс. Андрэй Рылка