Гомельскія каталікі асвячаюць свае дамы [фота]

Люты 20, 2013
Written by gomel.catholic.by
Published in Навіны - Гомель
Add new comment

Гэты абрад праводзіцца для выгнання злога духу і Божага дабраславення сям'і.

Традыцыйна ў пачатку года каталіцкія святары наведваюць сваіх вернікаў з душпастырскім візітам, падчас якога асвячаюць іх дамы і кватэры. Нягледзячы на тое, што час Каляды ўжо скончыўся, не ўсе вернікі паспелі запрасіць да сябе святароў. Але гэта не позна зрабіць у любы час, таму асвячэнне дамоў працягваецца і ў Вялікі пост.

- Дом трэба асвячаць як мінімум раз на год, - кажа вікарый гомельскай парафіі кс. Дамінік. - Па-першае, таму, што ў доме можа жыць злы дух, якога трэба выгнаць. А па-другое, каб прасіць Госпада аб дабраславенні гэтай сям'і, аб дапамозе Хрыста ў іх жыцці.

Абрад асвячэння жылля складаецца з невялікай малітвы святара разам з гаспадарамі дома і акрапленнем яго святой вадой.

Усяго з пачатку года гомельскія каталіцкія святары паспелі пабываць з пастырскім візітам ўжо ў некалькіх дзесяткаў сваіх вернікаў.

Last modified onСерада, 20 Люты 2013 11:37

Tagged under