Моладзь усёй Беларусі запрашаюць на Вялікапоснае чуванне і сустрэчу з Дзяржсакратаром Ватыкана

У сувязі з візітам у Беларусь Дзяржаўнага Сакратара Папы Францішка кардынала Пьетро Параліна замест дыяцэзіяльнага велікапоснага моладзевага чування ў мінскай архікатэдры 14-15 сакавіка адбудзецца міждыяцэзіяльнае начное чуванне моладзі ў мінскім касцёле свв. Сымона і Алены. Запрашаецца моладзь з усіх дыяцэзій Беларусі, піша Catholic.by.

Праграма

• 19.00 – рэгістрацыя
• 19.45 – прадстаўленне біяграфіі кардынала Пьетро Параліна
• 20.00 – прэзентацыя дыяцэзій, размова з кардыналам Пьетро Паралінам
• 21.30 – святая Імша
• 23.00 – адарацыя Найсвяцейшага Сакрамэнту (моладзь парафіі Свв. Сымона і Алены ў Мінску)
• 23.30 – перапынак на пасілак
• 00.30 – тэматычная канферэнцыя (а. Яўген Эйсмант SAC)
• 1.00 – сцэнка (кс. Павел Шчарбіцкі SDB, парафія Св. Яна Хрысціцеля ў Мінску)
• 2.00 – Крыжовы шлях (моладзь палатынскай парафіі ў Мінску (Уручча))
• 3.00 – Вяночак да Божай Міласэрнасці (парафія Маці Божай Фацімскай у Жодзіне, кс. Канстанцін Анашка)
• 3.30 – перапынак
• 4.30 – Песні жальбы
• 5.00 – Ружанец – хвалебная частка (парафія ў Вілейцы, кс. Юзаф Сярпейка)
• 5.45 – благаслаўленне на заканчэнне чування
• 6.00 – пасілак