У гомельскай парафіі ўтворана новая Нэакатэхуменальная суполка
- Written by gomel.catholic.by
- Published in Навіны - Гомель
- Comments (8)
У яе ўвайшлі вернікі розных узростаў, прафесій, сацыяльных саслоўяў і нават святар.
На нядзельнай Эўхарыстыі ў гомельскай рыма-каталіцкай парафіі ўрачыста віталі новую Нэакатэхуменальную суполку. Яна ўтварылася пасля заканчэння катэхез, якія праходзілі ў студзені-сакавіку. У новай суполцы - вернікі зусім розных узростаў, прафесій, сацыяльных саслоўяў. Дарэчы, уступіў у суполку і вікарый гомельскай парафіі ксёндз Дамінік.
Цяпер у парафіі стала 8 суполак. Нэакатэхуменальны шлях быў адкрыты ў Гомелі больш за 20 гадоў таму, менавіта такі ўзрост мае першая гомельская суполка.
Нэакатэхуменальны шлях - гэта свецкі рух у Каталіцкай царкве, які аб'ядноўвае мільёны людзей ва ўсім свеце. Яго заснавалі іспанцы Кіка Аргуэльа і Кармэн Эрнандэс ў 1964 годзе ў адказ на секулярызацыю грамадства і заклік Другога Ватыканскага сабору аб новай евангелізацыі. Нэакатэхуменат - гэта абнаўленне свайго хросту праз розныя этапы і жыццё па вобразу першых хрысціянскіх суполак.
Related items
-
У Будславе і Барысаве прадставілі новых пробашчаў
-
Экс-пробашча Чырвонага касцёла ў Мінску скіроўваюць на служэнне ў Барысаў
-
Толькі адна група была заўважаная на Юбілеі моладзі ў Рыме з беларускім дзяржсцягам
-
Навучыла спяваць нават тых, хто не ведаў нот. У Гомелі развіталіся з арганісткай касцёла
-
Першы раён паведаміў пра завяршэнне перарэгістрацыі парафій: яе прайшлі амаль усе