BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Па цэнтральнай вуліцы Гомеля прайшла каталіцкая працэсія Божага Цела

Па шляху дзеці абсыпалі кветкамі дарогу для Езуса, працэсія малілася аб дамах і працоўных месцах, аб тым, каб Гасподзь зберагаў ад голаду і вайны.

7 ліпеня ў Гомелі адбылася працэсія Божага Цела - традыцыйнае для каталікоў Набажэнства, якое праходзіць па цэнтральных вуліцах населеных пунктаў. У Гомелі працэсія з прыкладна трохсот парафіянаў прайшла па цэнтральнай вуліцы Савецкай ад касцёла да Дома міласэрнасці сясцёр Маці Тэрэзы. Па шляху дзяўчынкі абсыпалі пялёсткамі кветак дарогу для Езуса, прысутнага ў Святых Дарах, якія нёс біскуп Казімір Велікаселец.

На прыпынках каля алтароў працэсія слухала чытанні з Евангелля і малілася аб Гомелі, Беларусі, усім свеце, дамах і працоўных месцах, аб тым, каб Гасподзь зберагаў ад голаду і вайны.

- Хрыстос кажа: Прыйдзіце да Мяне, усе знямоглыя і прыгнечаныя, і Я супакою вас. Ён знаходзіцца побач, у табэрнакулюме каля алтара. З вераю прымайце святую Камунію, цела Хрыста, якое Ён аддаў за нашы грахі, наша выратаванне, і не бойцеся нічога, - заклікаў біскуп. - Баяцца трэба толькі аднаго - каб д'ябал не адвёў ад Хрыста, таму што жыццё без Яго вельмі небяспечнае. Дзеці забіваюць бацькоў, маці - сваіх дзяцей, бо не моляцца, не прыходзяць у храм, не прымаюць святыя Сакраманты, цела Хрыста. Атрымаўшы Камунію, мы сыходзім умацаванымі, нічога важней гэтага ў свеце няма.

«Вось Хлеб жывы, Які сышоў з Неба, і хто яго спажывае, будзе жыць вечна» - абвясціла працэсія ў цэнтры Гомеля.

- Шукайце Валадарства Божага, а астатняе будзе дадзена, абяцае Гасподзь. Царства Божае намаганнем бярэцца, і мы сёння прыклалі гэта намаганне, выйшлі на вуліцу, каб публічна вызнаваць сваю веру ў тое, што Ісус прысутнічае ў Святых Дарах, маліліся за тых, хто яшчэ не ведае Бога, не знайшлі дарогу да Яго, - падсумаваў біскуп.

Last modified onПанядзелак, 08 Чэрвень 2015 10:52

Каментары   

+1 #1 гость 2015-06-10 11:11
видеорепортаж о процессии Первого городского ТВ: gorodtv.by/index.php?id=960
Цытаваць | Паведаміць мадэратару

Дадаць каментарый

Ахоўны код
Абнавіць